Содержание
Разные старые фото
Шамил Оьмариев
ш. КIундими
Ахир цукун хьунавав
Оьрмугу ттул лавгунни,
Хъунавгу хьуну ура,
Пикрирдуми бакIраву
Хъиннува гьарза хьунни.
Бярних ккурчIав увккукун,
Вагу чунни тIунавав,
Ягу, цинявппа бивзун,
ЩяикIу учинавав.
Мажлисрайн нажагь гьарчан,
КъаркIу най ур тIунавав,
Тямада хьхьичIун увккун,
ЧIарав щяитанавав.
ЧукIундалавл лугъатрай
Ца-кIива хха чивчуну,
Маз пасихI шаэртурал
Шамиллуй аьй данавав!
* * *
Ссахру ялугьисса
Заманарив захIматсса,
Жуварув танмал хьусса,
Заннал жунна дичиннин
Ялугьлайрув бавцIусса.
Къурув нувщи къабугьлай,
Марщай ххулу къабуллай,
Пенсияртту бучIаннин
Циванну ялугьисса.
Ппалав оьл якъабуллай,
Къурув хъуру къадугьлай,
Зузими иттав кьутIлай
Танинну бикIантIисса.
Ванал хъус вайксса дур тIий,
Танал ятту тайксса тIий,
Ссавнияту дичиннин
Циванну ялугьисса.
* * *
КIундиннал хIажитал
МахIсив усттарну бан жул Мисил-хIажий,
ВицIхъав ламу бувсса Баршанний-хIажий.
Хъарас куртIну дигьин дус ХIасан-хIажий,
Хъярч-махсара буван да ПартIул-хIажий.
Пачру ххуйну байсса МаматIил-хIажий,
Пачлин пургъурду бан ПартIутIил-хIажий.
Уссай къуршив бичлан Массухъал-хIажий,
Ясин буккин мудан Суллахъал-хIажий.
Урхьрайх никIил дуккан жул Мирза-хIажий,
КкурчIай хавар буслан Удихъал-хIажий.
Отчет ххуйну дулун Бухгалтер-хIажий,
Яттин гузат буван Удаман-хIажий.
Къур ххаллилну ябан да Мигьрул-хIажий,
Тахталийх ссур дуккан ПпулутIникI-хIажий.
Ласапитка ссур дан та Мямма-хIажий,
Ккалхуз къатри даххан Рашидхъал-хIажий.
Ккамазрай кьай ххилан Ажухъал-хIажий,
Самолетрай лехлан ХIурунхъал-хIажий.
Яттил хъирив лечлан да Кеша-хIажий,
Тонировка дуллан Бирцилав-хIажий.
Пачлил никру дуллан Асахъал-хIажий,
ЦIакьсса телеусттар ЦIаххуйхъал-хIажий.
ТIутIул чахир дуван Субарил-хIажий,
Медовуха дуван да Оьмар-хIажий.
Таджикнал биргадир Бакрихъал-хIажий,
Къишлакъирттайх уклан Бавахъал-хIажий.
Зикри ххуйну бишин Буттахъал-хIажий,
Къутаннай щин дихьлан БатIухъал-хIажий
Ина ттул кIинира
Ттула оьрмулул дуснан
КьурукIинттул ина
Ттун гъили гъира,
Ччувччусса вацIлуву
Щюлли хIавира.
ТIутIал дурцIу арив
ХъункIултIутIира,
Кьавкьсса авлахъирай
Щаращул щинна.
На къумасса чIумал,
ДакIнин чанира,
Къашавайсса чIумал,
Чурххан дарувра.
Жула оьрчIал чIарав
Чаннаннил ттарцIра,
Къатта чанна байсса
Бивтнасса баргъра.
Ина ттул къатлувун
Бувхсса кIинира,
Ссаврунная багьсса
ЧаннацIукура.
Оьмаров Шамил,
ш. КIундими
в Кунды через Гуниб-Согратль-Камахал-
Борозда 16г ГаджиОмара
Борозда 17г Низами
9 Мая 93г (снимал Низами)
9 Мая 15г
9 Мая 16г |